რას ნიშნავს სასძლო კაცი? რას ნიშნავს სამყარო ოთხყარო? სადამდე შეიძლება გაგრძელდეს „მძლეველის“ პოლიტიკურ-რელიგიური ბოდვები?
„თავისუფლების მოედნის“ მეტროსთან უნივერმაღის წინ ალბათ ბევრს შეუმჩნევია, როგორ სთხოვენ მოქალაქეებს, საკუთარი ხელმოწერა შეიტანონ ე. წ. „სიცოცხლის წიგნში“. ამ ხელმოწერით მოქალაქე მოითხოვს არსებული სისტემისა და პრეზიდენტის შეცვლას. ამავე დროს აღიარებს, რომ მოხდა ქრისტეს მეორედ მოსვლა სულით და სიტყვით, რაც მართლმადიდებლური მოძღვრებით მკრეხელობაა.
ამ ხელმოწერებს საქართველოს ეროვნულ-სახელმწიფოებრივი პოლიტიკური გაერთიანება „მძლეველი“ აგროვებს, რომლის პროგრამას და მოძღვრებას აშკარა რელიგიური ელფერი დაჰკრავს.
